Ecoloxistas en Acción pon en marcha un centro de desintoxicación para a adicción aos jets privados

21 hours ago 13

Coincidindo coa celebración da COP29 en Acerbaixán, a entidade ecoloxista lanza unha campaña para sensibilizar sobre os graves impactos sociais e ambientais do uso abusivo do jet privado por parte dunha minoría adiñeirada.
En España rexistráronse 114.656 operacións en jet privado durante 2023, o que equivale a unha cada 5 minutos.

Segundo un recente estudo, durante a COP28 celebrada o ano pasado en Dubai contabilizáronse 1.021 voos a bordo de 404 avións privados que decenas de personalidades dos ámbitos político e empresarial empregaron para participar no cume climático. Lonxe de ser unha excepción, estes datos non fan senón confirmar a tendencia: segundo a investigación mencionada, entre 2019 e 2023 o número de jets privados aumentou un 28 % a escala global (realizáronse unha media de 500 voos á hora), a distancia voada neste tipo de aeronaves un 53 % e as emisións xeradas un 46 %.

Ante esta situación e coincidindo co inicio da COP29, Ecoloxistas en Acción lanzou unha campaña comunicativa co obxectivo de denunciar o uso abusivo deste medio de transporte por parte dunha exigua minoría e sensibilizar sobre os seus impactos.

Neste sentido, a organización ecoloxista anima a políticos/as, empresarios/as e celebridades a “desintoxicarse” da súa adicción para voar en jet privado. Ao mesmo tempo desmente con datos o feito de que o jet privado sexa unha ferramenta de traballo: o 35 % de todas as operacións en jet privado rexistradas en España en 2023 concentráronse nos meses de xuño e agosto, sendo os aeroportos de Palma de Mallorca, Madrid, Ibiza e Málaga os máis frecuentados.

Segundo un estudo de Transport&Environment, os avións privados son 10 veces máis intensivos en carbono que os avións de pasaxeiros máis ou menos, e 50 veces máis contaminantes que os trens. En 2023, un total de 79 aeroportos ou aeródromos en España rexistraron operacións de avións privados. Desde eles contabilizáronse 9.216 conexións directas con outros aeroportos de todo o mundo.

Pablo Muñoz, coordinador de Movilidad Sostible en Ecoloxistas en Acción, declarou: “Os jets privados representan a forma de mobilidade máis daniña para o planeta. E tamén a máis inxusta socialmente: calcúlase que tan só o 0,003 % da poboación mundial é usuaria da aviación privada, exenta ademais do pago de impostos polo combustible que utiliza. Mentres a poboación máis adiñeirada é a que utiliza o jet privado, as consecuencias da crise climática sófrea todo o planeta. Por que seguir permitindo este tipo de inxustizas? Lanzamos esta campaña para sensibilizar e demandar que se deixe de usar este medio de transporte tan elitista e prexudicial para o medioambiente. Debemos avanzar de maneira decidida cara á regulación deste tipo de mobilidade con vistas á súa desaparición nun futuro próximo”.

Enlace a la página web de la campaña (con recursos audiovisuales y material gráfico).